日期：2023.10.28

​

豪劻國際慈善基金5週年呈獻 - 無界限燃亮愛慈善宴 - 辛苦晒勞苦功高的義工朋友們

咁快豪劻國際慈善基金就5 年，記得2018年成立基金會當日，仲好迷惘諗緊應該往那個方向做慈善，探訪老人院？孤兒院？但一一被婉拒。幸好機緣巧合地一班戰友，Stephanie，Sally，Jacky，好多好好提議，成就了第一個豪劻活動「慈山寺3.5公里慈善跑」🏃🏻‍♂️🏃🏻

呢5年豪劻認識了更多義友，做左好多唔同慈善活動，當中好多唔同義工幫手，感恩每位義工每個階段和每個時段的唔同幫忙，豪劻才能成功舉辦50席600多人參與的5週年慈善午宴🙏🏻🙏🏻 

多謝各位5週年午宴籌委Stephanie，Sa姐，Helina姐，Raymond哥，Ada姐，Grace姐，Cansy，Sally，Wawa幫手，開了好多次會，大家合作無間。感激有你地，多謝各位呢5年黎一路支持我哋，冇咗你哋，
就唔會有今日豪劻國際慈善基金。 

多謝支持我哋嘅義工朋友們，50多位義工朋友，都係九點已經嚟到準備，仲要好多都坐唔底食嘢，走來走去幫手。多謝所有攝影師義工們為大家影左好多靚相。

多謝盲人輔導會Cheers樂隊，
和各上上下下各同事，Cansy，亨Sir，Kenny，阿Pat，蘇菲等同事，大家為咗呢個慈善午宴，
籌備左一段時間，知道大家都好忙，仲要喺院舍照顧學員都好大壓力，都幫手今次午宴辛苦晒！

多謝所有表演單位，表演變臉「韋氏學堂-韋飛雄女士」，螢光舞龍舞獅「夏昭建龍獅體育總會」，
遊戲大使wawa，金牌司儀Master Joe，令到檯下更加開心。

多謝「港鐡義工隊」，今次5週年幫我地扭左好靚嘅波波。

多謝所有嘉賓到場支持，香港潮州市同鄉會各會長會董們，上海商業銀行既朋友仔，新蒲崗商會各會董，溪哥，霖哥，朋友，屋企人等等。

多謝各受惠機構送贈親手做的禮物，俾我地下次活動派發出去給有需要人士，希望宣揚「燃亮愛，分享愛」，你地得到愛之餘，亦將你地既愛延續落去，分享落去。

再次証明豪劻5年的慈善路是正確的，無分界限，不同年紀，種族，傷健等等，只希望能為社會帶多點正能量。

#豪劻國際慈善基金
#5週年呈獻 - 無界限燃亮愛慈善宴
#我地5歲啦
#盲人輔導會 
#勵智協進會
#伸手助人協會 
#健障互匡會 
#中華慈行協會
#公益電視
#黃大仙居民促進會
#慈雲山之友社
#佛教傅黃合長者鄰舍中心
#彩雲社區互相網絡
#再生會