2025-12-20
送暖迎2026
2025年就快過完，我哋今次派飯特別準備咗驚喜！ 一班義工親手送上2026年精美掛曆，預祝各位老友記新一年「身壯力健、龍馬精神」！
見到公公婆婆拎住月曆笑到見牙唔見眼，成個場面真係暖笠笠又熱鬧～ 一份心意，陪伴大家溫暖跨年！
多謝各位義工前來幫忙，一起分工合作開開心心，
明年見喇，平安健康就是福
2025-12-05
週五送暖 x 防火小貼士
今日派飯好熱鬧！一班義工有講有笑，好開心又可以為老街坊送暖。
就最近火災，我哋特別為大家準備咗「居家防火小冊子」，等大家可以注意同預防。
記住呀，煮食必須看守爐火，插座唔好插太多電器，安全第一！
你哋嘅安全，就係我哋最大嘅牽掛！
2025-11-21
週五送暖日記
天氣涼涼哋，成班義工即刻醒神晒，手快快搬物資，有講有笑，
不知幾開心！多謝各位老街坊同義工，
成個社區就係因為你哋，先咁溫暖！
今朝一早9點，已經有心急嘅公公婆婆嚟排隊，真係乖到不得了！
2025-10-31
新蒲崗派物資繼續出擊
我哋又嚟新蒲崗同公公婆婆見面啦！今次簡直係「精英班」出動 好多元老級義工歸位
見到班經驗豐富嘅義工們，真係不得不寫個「服」字：
· 登記組快狠準，公公婆婆資料瞬間入好
· 物資組配合默契，傳遞物資快到好似生產線
· 秩序組溫柔引導，長輩們排隊排得舒舒服服
今次成個過程充滿笑聲，我哋已經開始期待下次見面啦～
2025-10-17
新蒲崗愛心行動Round 2
無錯無錯～我哋又係新蒲崗派物資啦！雖然已經係10月中，但天氣仲係熱到跳舞，今次繼續同街坊公公婆婆送溫暖，派發滿滿愛心物資包！
活動開初階段，真係需要超多人手～由仔細登記資料、到維持長長人龍秩序，每個環節都要義工們落力配合。
真心跪謝義工團隊！
·
雖然個個熱到面紅紅，衫都濕晒，但依然好落力幫手～
今次見到更多新面孔，證明我哋嘅努力無白費！約定大家，下次活動再見
2025-10-02
中秋送暖第一擊
今日係我哋第一次新蒲崗派送福袋，平日見到呢區好多公公婆婆推住車去賣紙皮，自力更生，真係好想為佢哋打氣！
趁住中秋就嚟到，我哋準備咗滿滿的愛心物資，同街坊一齊預早慶團圓
感謝義工隊！
真係要俾100個like我哋班義工！頂住34度高温，搬物資搬到汗流浹背，分工合作完成任務
今次只係個開始！我哋會繼續關注社區內默默努力嘅長輩們，等佢哋知道——你哋從來都唔係孤單一人
特別鳴謝：盈輝環保回收公司協助通知老友記
2025-09-03
週三送暖行動 • 開心速報
今日我哋粉紅兵團又嚟到協和小學為長者派飯同物資啦！見到一班老街坊笑到四萬咁口，我哋成班義工即刻心都暖晒！
其實快樂真係好簡單：一盒熱飯、一個笑容、一份關心，就足夠照亮成個社區